+99455

+994

Satış uzun incə bir yoldur. Sizin bu yolda missiyanız yolu tamamlamaq və hədəf məntəqəsinə çatmaqdır. Bu yolda isə bizə dəstək olacaq bilik, bacarıq və texnikalar var ki, onlarsız işimiz çətin olardı.

Amma bütün bunlardan əvvəl qeyd etmək istərdik ki, ilk öncə özümüz yaxşı alıcı olmalıyıq.

Necə? Məhsulumuzu daim inkişaf etdirib, ən yaxşı halına gətirdiyimiz kimi özümüzü də daimi şəxs və bir peşəkar satıcı kimi inkişaf etdirməkdə davam etməliyik. Biz əminik ki, bu yazını oxuyan hər bir şəxs şəxsi inkişafı üçün, sağlam həyat tərzi üçün nələr etməli olduğunu çox yaxşı bilir, amma çox az şəxs bütün bunları icra edir. Deməli, biz ya yaxşı satıcı deyilik, ya da ki yaxşı alıcı. Elə bil ki, tərəzidə daşlar düz gəlmir.

Nə etməli? Tərəzi daşlarını bərabərləşdirib daha sonra isə məhsulumuza fokus olmalıyıq.

Bir az öncə biz özümüzə sata biləcəyimiz ən yaxşı məhsulu satdıq. İndi növbə digər şəxslərə satış etməkdədir. Əslində bu proses düşündüyümüz qədər çətin, yaxud da düşündükləri qədər də asan deyildi. Məhsul və qarşıdakı şəxsdən asılı olaraq dəyişən satış prosesinin sonunda üzü gülən şəxs olmaq üçün 3 qaydanı tətbiq etməkdə fayda vardır. Necə deyərlər, siz bu 3 qaydanı qulağınızda sırğa edin.

1. Yaxşı cavablar üçün yaxşı suallar verin.

Sual vermək özü çox böyük bir bacarıqdır. Və onu daima zamanla inkişaf etdirmək lazımdır. Elə ilk sualı özünüzə verin ki, nəyi necə dəyişib daha yaxşı satış adamı ola bilərəm. Müştəriyə verdiyiniz hər sual isə ağıllı suallar olmalıdı. Bu prosesdə həkim kimi olmalısınız. Verdiyiniz doğru suallar ilə ağrını tapmalısınız. Bəzən isə müstəntiq kimi anında və doğru sualları verib sizə lazım olan cavabları tapmalısınız. Odur ki, yaxşı suallar verin ki, yaxşı cavablar alasınız.

Sual verməklə bağlı bir xeyli danışdıq. İndi isə növbə dinləməkdədir.

2. Yaxşı dinləyici olun.

Hər incə detala qədər potensial müştərinizi dinləyin. Verdiyi cavablar, işlətdiyi sözlər ilə məhsulunuz arasında bağ yaradın. Doğru zamanda həmin o qeydlərin sayəsində yaxşı bir gediş edin. Müştərinizin gözündəki təəccüb, sevinc və s. kimi hissi gördüyünüz an anlayacaqsınız ki, çox yaxşı gediş etmisiniz. Həmçinin gələcək üçün də qeydlər götürün. Bütün bunlar üçün isə sadəcə yaxşı dinləyici olmaq lazımdır.

3. Məsuliyyətlərdən qaçmamaq bizi daha yaxşı satış meneceri edər.

Belə ki, narazı müştəri ilə işləyərkən ünsiyyətdən qaçmaq edə biləcəyiniz ən böyük yanlış addım olar. Odur ki, bu səhvi etmirik və şərait yaradırıq ki, müştəri bütün narazılığını ifadə etsin. Əsla və əsla mübahisə etmirik. Ümumiyyətlə mübahisə etmək ifadəsini satış adamı öz lüğətindən silməlidir. Gündəlik həyat tərzi kimi mübahisədən uzaq durmaq bizi daha uğurlu biri edəcək.

Yazımızın sonunda isə qeyd etmək istəyirik ki, prosesə deyil də nəticəyə fokus olmaq bizim üçün əsas prioritet olmalıdır. 3 il əvvəl Azad Qəhrəmanov tərəfindən yazılmış SAT! kitabından bir hissə ilə sizi tək buraxır və size bol satışlar arzu edirik.

“Bütün çətin işlərdə olduğu kimi satışda da insanlar nəticədən al çəkib prosesə köklənməyə meyllidirlər. Onlar bəzən müştəri ilə görüşü nətica hesab edirlər və ya müştərinin maraq göstərməsini nəticə hesab edirlər. Özləri özlərini aldadırlar.

Ümumiyyətlə, bütün satıcıları 2 qrupa bölmək olar. Nəticəyə köklənmiş saticılar və nəticəyə köklənməmiş, satış işində sadəcə mövcud olanlar. İkincilər də, demək olar ki, birincilər qədər vaxt və enerji sərf edirlər. Lakin onlar cüzi satışlar edir, çoxlu bəhanələr gətirirlər.”

 

Azad Qəhrəmnovun SAT! kitabından bir hissə

Kitabı əldə etmək üçün bizə yazın: info@satgroup.az