Namiq Bayramov

Marketoloq, biznes təlimçi, bloqer, biznes konsultant

Namiq Bayramov marketinqin həm nəzəri, həm də praktiki istiqamətləri üzrə ixtisaslaşmış azsaylı mütəxəssislərdəndir. Azərbaycan Dövlət İqtisad Universitetində bakalavr və magistr dərəcələri almışdır. Hazırda Lənkəran Dövlət Universitetində doktorantdır. 2015-ci ildən etibarən pedaqoji istiqamətdə də fəaliyyət göstərməyə başlamışdır. Azərbaycan Dövlət İqtisad Universitetində ``Marketinq Menecment`` və ``Beynəlxalq Marketinq`` fənlərini tədrsi etmişdir. Hazırda Lənkəran Dövlət Universitetində ``İstehlakçı Davranışının İdarə Edilməsi``, ``Marketinq Kommunikasiyaları``, ``Marketinq``, ``Marketinq Tədqiqatları`` və ``Xidmət Sahələrinin Marketinqi`` kimi fənləri tədris etməkdədir. Praktiki fəaliyyətində satış və reklam sektorlarında çalışmışdır. Artıq 10-cu ildir ki, fəaliyyət göstərən ``YELLOAD`` marketinq agentliyinin həmtəsisçisidir. Eyni zamanda, Milli Marketinq Forumunun (MMF) yaradıcılarından biri, həmçinin 2018-ci ildə yaradılmış ``Marketinq Peşəkarları Birliyi``nin həmtəsisçisi və idarə heyəti sədridir. Daha çox marka strategiyaları, marketinq kommunikasiyaları, brendinq və istehlakçı davranışının idarə edilməsi istiqamətləri üzrə ixtisaslaşmışdır.